ФФМ донираше 15000 фудбалски топки на сите клубови
Фудбалската Федерација на Македонија започна со најголемата донација на топки во историјата на нашата земја, па така сите клубови кои се дел од ФФМ ќе добијат рамноправна распределба во наредните неколку дена
Published on 16.04.2021 | Sport | Reads: 4
Станува збор за вкупно 15 илјади фудбалски топки со ознака: FIFA QUALITY PRO “IMS – International Match Standard”, а покрај клубовите од првата и втората македонската прва лига, дел од донацијата се и клубовите од третите лиги, младинските конкуренции и женската фудбалска лига.
Две илјади фудбалски топки ќе се распределат за клубовите од прва и втора македонска фудбалска лигам, 11.700 илјади топки се наменети за клубовите од Трета лига, лигите организирани од Општинските фудбалски Сојузи, младински конкуренции и детски лиги, додека 1300 фудбалски топки ќе добијат клубовите кои се натпреваруваат во женските лиги.
Набавката на досега најголемиот број на фудбалски топки по сите стандарди на ФИФА произведени и со дизајн за ФФМ, Управниот одбор на Федерацијата ја најави кон крајот на минатата година, а во текот на следната седмица клубовите веќе ќе можат да ги користат за тренинзи и натпревари.
Со новата акција наменета за клубовите од МФЛ, Фудбалската федерација на Македонија уште еднаш ја потврдува важноста за поддршка на сите клубови во сите конкуренции од натпреварувањата организирани од ФФМ.
It is not allowed to use the contents without prior approval from @Makedonija.uk
|