Путин: Светот се приближи до точката од која нема враќање, евроатлантската безбедност нарушена
Рускиот претседател Владимир Путин денеска изјави дека светот се приближил до точката од која нема враќање и дека НАТО се обидува да го зголеми притисокот врз оние земји чиј развој се обидува да го сопре, пренесуваат руските медиуми.
Published on 14.06.2024 | World | Reads: 5
„Себичноста и ароганцијата на западните земји доведоа до сегашната состојба на работите, светот се приближи до точката од која нема враќање“, рече Путин во обраќањето до раководството на руското Министерство за надворешни работи.
Тој исто така смета дека евроатлантскиот безбедносен систем ќе пропадне и дека ќе треба да се создаде нов, како и дека државите треба да ги разработат своите опции за осигурување на безбедност во Евроазија, наведува "РИА Новости".
Путин истакна дека, доколку Европа сака да остане еден од независните центри на светскиот развој, тоа може да го направи преку добри односи со Русија.
„Ако Европа сака да се одржи како еден од независните центри на светскиот развој и културните и цивилизациските појаси на планетата, таа секако треба да биде во добри, пријателски односи со Русија, и што е најважно, ние сме подготвени за тоа“, рече тој.
Украинската криза не е конфликт меѓу две држави или два народа, туку е резултат на агресивната политика на Западот, изјави рускиот претседател.
„Сегашните вистински господари на Украина, кои, за жал, не се народот на Украина, туку глобалистичките елити кои се во странство, се обидуваат да го префрлат товарот на носењето непопуларни одлуки меѓу народот на украинската извршна власт, вклучително и дополнително намалување на возраста за регрутирање“, рече рускиот лидер.
Тој додаде дека проблемите во поранешна Југославија биле предизвикани од мешањето на Западот, а истото било направено и во Ирак, Либија и Сирија и дека, како што тврди, ниту една земја нема гаранција дека нема да биде цел на НАТО.
Путин истакна дека евроатлантскиот безбедносен систем е урнат, и дека е неопходно да се изгради нов.
Тој исто така нагласи дека меѓународната заедница има шанса да изгради сигурен и правичен безбедносен поредок, за што е неопходно да се има волја да се слушаат различни мислења.
„Сведоци сме на колапс на евроатлантската безбедност, всушност, треба повторно да ја создадеме, да формулираме план за нова безбедност во Евроазија“, заклучи Путин.
It is not allowed to use the contents without prior approval from @Makedonija.uk
|